“Оставете ги децата да приоѓаат кај Мене и не пречете им, зашто на такви е царството Божјо. Вистина ви велам: кој не го прима царството Божјо како дете, тој нeма да влезе во него.”

И кога ги прегрна, ги положи рацете врз нив и ги благословуваше.(Марко 10:14-15)

Reynoldsburg (Columbus), Ohio.На шест дена пред Пасха, во Храмот „Успение на Пресвета Богородица“  во Reynoldsburg (Columbus), Ohio, беше отслужена празнична Света Литургија. Во присуство на многуброен верен народ, во празнично украсениот Храм, највпечатливи беа најмладите членови на нашата црковна заедница-„Од устите на младенците и новороденчињата си создал пофалба“-според зборовите на Псалмопевецот. Покрај празникот Воведение на Пресвета Богородица и Сретение Господово, овој празник е меѓу другото празник и на најмладите, кои одсрце го примија Царството Божјо, кои најискрено го пречекаа Царот на Славата со победничкиот поздрав „Осана на Синот Давидов, Осана во висините“.На Литургијата, дел од верниот православен македонски народ се причести со Светите Христови Таинства.Потоа во малата црковна сала се одржа проба на новообновената Фолклорна Група, под раководство на доајенот на фолклорот и народните танци од нашата црковна заедница-господинот Јосиф Петанчески. 

Подготвил:ипоѓакон Ѓорѓи Ѓурчиновски

 

„Колку е убаво и колку е мило кога браќата живеат заедно,

...зашто таму  Господ дал благослов и живот вечен!“

            Во текот на минатата седмица, шеста во Великиот Велигденски Пост, во неделата на Лазаровото воскресение и влегувањето на Господ Исус Христос во Ерусалим, во нашиот Храм „Успение на Пресвета Богородица“ во Reynoldsburg (Columbus), Ohio, се одржа несекојдневен настан.

Во вторник-март 23 и среда-март 24, на денот посветен на светите Софрониј, патријарх Ерусалимски и маченикот Пиониј, втора година со ред се одржаа заедничките Великопосни богослужби и исповедта на присутното свештенство.

Домаќините, отец Душко Ѓорѓиевски-нашиот парохиски свештеник и г-дин Јосиф Христовски-претседателот на нашата црковна општина, овој пат ги имаа на гости поголемиот дел од свештенството на Американско-Канадската Епархија.

Dance Practice's will be every Sunday at 1pm in the small hall at the new church cathedral.

We are looking for people 15 and up to participate.